ફુલોનો રસ પીનાર
પંખી - શક્કરખોરો
ચકલી કરતાંય નાનું આ પંખી પતંગિયાં અને મધમાખીની જેમ ફૂલોનો રસ પીએ છે. સૂર્યપ્રકાશમાં તેના કાળા રંગમાંથી વાદળી, જાંબલી અને લીલા રંગની પ્રભા ઝગારા મારતી દેખાય છે. એની ચાંચ લાંબી અને પાતળી છે. સોયની જેમ તે ચાંચને ફૂલમાં ખોસીને રસ પીએ છે. ક્યારેક તે હેલિકોપ્ટરની જેમ હવામાં સ્થિર રહીને, પાંખો ફફડાવતાં રહીને, ફૂલોમાંથી રસ પી શકે છે.તેની જીભ વિશિષ્ટ પ્રકારની છે. તે લગભગ પાતળી લાંબી ભૂંગળી જેવી છે. ફૂલના ફલનીકરણમાં તે અગત્યનો ભાગ ભજવે છે. આથી ફળોની વાડીઓ માટે તે અત્યંત ઉપયોગી છે.